ජනපති පුත් දහම්ට කොළඹින් සුපිරි කාර්යාලයක්

Facebooktwittergoogle_plusredditpinterestlinkedinmail

ජනපති පුත් දහම් සිරිසේන සදහා සුපිරි පහසුකම්වලින් සමන්විත සුඛෝපභෝගී කාර්යාලයක් කොළඹ මහවැලි කේන්ද්‍රයේ සකස් කර තිබේ.

මේ වන විට දහම් සිරිසේන ජනාධිපති කාර්යාලයේ හෝ මහවැලි කේන්ද්‍රයේ හෝ වෙනත් ආයතනයක කිසිම තනතුරක් නොදරන අතර එසේ තිබියදී ඔහු වෙනුවෙන් රජයේ මුදලින් කාර්යාලයක් තනා දීම පුදුම සහගත කරුණක් බව සේවකයින් පවසයි.

මහවැලි කේන්ද්‍රයේ තෙවැනි මහලේ පිහිටා තිබෙන මෙම කාර්යාලය සම්පූර්ණයෙන් නවීකරණය කර තිබෙන අතර ලී බඩු පවා අලුතෙන් මිල දී ගෙන ඇත.

දහම් සිරිසේන මහතාගේ හිතවත් කාර්යමණ්ඩලයක් ද මෙහි සේවයට යොදවා ඇත. කෙසේ වෙතත් ආරංචි මාර්ග සඳහන් කළේ එම කාර්යාලයෙන් කෙරෙන කටයුතු සියල්ල රහසිගත බවයි.

පසුගිය ආණ්ඩුව සමයේ හිටපු ජනාධිපති මහින්ද රාජපක්ෂ මහතාගේ පුත් නාමල් රාජපක්ෂ මහතාටද මෙවැනිම කාර්යාලයක් අරලියගහ මන්දිරයේ තිබූ බව යහපාලන ආණ්ඩුව බලයට පැමිණි පසු හෙළිදරව් කළේය.

එම අවස්ථාවේ නාමල් රාජපක්ෂ මහතා පාර්ලිමේන්තු මන්ත්‍රීවරයෙකු ලෙස කටයුතු කළ අතර දහම් සිරිසේන මේවන විට කිසිදු තනතුරක් නොදරන මොහොතක ඔහුද මෙවැනි ජනතා මුදල් අවභාවිතා කිරීම අනුමත කළ නොහැකි බවත් රාජපක්ෂ සමයේ ජනපති පුත්‍රයන් හැසිරුණු ආකාරය විවේචනය කරමින් බලයට පැමිණි ජනාධිපතිවරයෙකු ඔහුගේ පුත්‍රයාටද එවැනිම ආකාරයට හැසිරීමට මග පාදා දීම කිසිසේත් අනුමත කළ නොහැකි බවත් එජාපයේ ප්‍රකාශකයෙකු පැවසී ය.

Facebooktwittergoogle_pluslinkedinrssyoutube

Leave a Reply