මානව හිමිකම් සැසියට තිලක් මාරපන ඇතුළු දූත පිරිසක්

Facebooktwittergoogle_plusredditpinterestlinkedinmail

එක්සත් ජාතීන්ගේ මානව හිමිකම් කවුන්සිලයේ 37 වැනි සැසිවාරයට සහභාගිවිමට  විදේශ කටයුතු අමාත්‍ය තිලක් මාරපන සහ විශේෂ කාර්යයන් පිළිබඳ අමාත්‍ය ආචාර්ය සරත් අමුණුගම ඇතුළු දූත පිරිසක් ලබන සඳුදා (19) සවිට්සර්ලන්තයේ  ජිනිවා නුවර පිටත්ව යෑමට බව විදේශ කටයුතු අමාත්‍යාංශය සඳහන් කරයි.

ශ්‍රී ලංකාවේ  මානව හිමිකම් පිළිබඳ එක්සත් ජාතීන්ගේ කොමසාරිස් සෙයිද් රාද් අල් හුසේන් කුමරුගේ      වාර්තාව ලබන බදාදා (21) මානව හිමිකම් කවුන්සිලයට ඉදරිපත් කෙරෙන  අවස්ථාවේදී ශ්‍රී ලංකා රජය නියෝජනය කරමින් මෙම දූත පිරිස සහභාගී වන බවද  විදේශ කටයුතු අමාත්‍යාංශයේ ජ්‍යෙෂ්ඨ නිලධාරියෙක් සඳහන් කළේය.

2017 වසරේ මාර්තු 23 වැනිදා ජිනීවා මානව හිමිකම් සැසිවාරයේදී සම්මත කරගත් 34 / 1 යෝජනාවට අනුව මෙවර සැසිවාරයේදී ශ්‍රී ලංකාව පිළිබඳ වාර්තාවක් ලබන බදාදා (21)  ඉදිරිපත් කරන අතර මානව හිමිකම් කොමසාරිස්වරයා එම වාර්තාව සකසා ඇත්තේ සාමාජික රටවල ඉල්ලීම්වලට අනුවය.

එම අමාත්‍යවරුන් දෙපළට අමතරව විදේශ කටයුතු අමාත්‍යාංශයේ නිලධාරීන්, ජිනීවා එක්සත් ජාතීන්ගේ ශ්‍රී ලංකා නිත්‍ය නියෝජිත කාර්යාලයේ නිලධාරීන්  සහ නීතිපති දෙපාර්තමේන්තුවේ නිලධාරීන් මෙම සැසියට සහභාගී වීමට නියමිතය.

Facebooktwittergoogle_pluslinkedinrssyoutube